IMPORTANTI: Il-Parlament jadotta miżura ġdida ta’ kundizzjonalità

Mill-1 ta’ Settembru 2025, deċiżjoni ġdida tapplika għall-persunal tal-Parlament fi rwol maniġerjali li jirrikjedi r-reġistrazzjoni minn qabel tar-rappreżentanti ta’ gruppi ta’ interess li jiltaqgħu magħhom.  Fil-prattika, dan ifisser li r-rappreżentanti ta’ gruppi ta’ interess li jkunu skedaw laqgħat dwar il-ħidma Parlamentari mas-Segretarju Ġenerali tal-Parlament, mad-Deputati Segretarji Ġenerali, mad-Diretturi Ġenerali, mad-Diretturi, mal-Kapijiet tal-Unità u mal-mexxejja tat-tim fil-Kabinetti tal-President u tas-Segretarju Ġenerali jridu jkunu rreġistrati u jkollhom status attiv, jew il-laqgħa ma tkunx tista’ ssir. Għal aktar informazzjoni dwar ir-regoli li jirrikjedu r-reġistrazzjoni tar-rappreżentanti ta’ gruppi ta’ interess, jekk jogħġbok ikkonsulta l-paġna tal-kundizzjonalità.

L-informazzjoni dwar il-laqgħat mar-rappreżentanti ta’ gruppi ta’ interess u mar-rappreżentanti tal-awtoritajiet pubbliċi ta’ pajjiżi mhux tal-UE għandha tiġi ppubblikata fuq is-sit web uffiċjali tal-Parlament wara dikjarazzjoni mill-maniġers mhux aktar tard minn tletin jum kalendarju wara l-laqgħa.