What is the Transparency register?
Ir-Reġistru tat-Trasparenza hu bażi tad-data li telenka “rappreżentanti ta’ interess” (organizzazzjonijiet, assoċjazzjonijiet, gruppi u individwi li jaħdmu għal rashom) li jwettqu attivitajiet biex jinfluwenzaw il-politika tal-UE u l-proċess tat-teħid tad-deċiżjonijiet.
Hu mfassal biex juri lill-pubbliku liema interessi qed jiġu rappreżentati fil-livell tal-UE, minn min u f’isem min – kif ukoll ir-riżorsi ddedikati għal dawn l-attivitajiet (inklużi l-appoġġ finanzjarju, id-donazzjonijiet, l-isponsorizzazzjoni, eċċ.). Ir-reġistru għandu l-karatteristiċi ewlenin li ġejjin:
- Sit web pubbliku fejn ir-rappreżentanti ta’ interess jirreġistraw informazzjoni aġġornata dwar l-attivitajiet tagħhom fil-livell tal-UE
- Kodiċi ta’ kondotta li jirregola kif ir-rappreżentanti ta’ interess għandhom jinteraġixxu mal-istituzzjonijiet tal-UE
- Mekkaniżmu tal-ilmenti li jippermetti lil kulħadd jagħti bidu għal inkjesta amministrattiva f’każijiet allegati fejn rappreżentanti ta’ interess reġistrati jkunu naqsu milli josservaw il-kodiċi.
Reġistru tat-Trasparenza
Diversi eluf ta’ gruppi u organizzazzjonijiet, jew korporazzjonijiet u assoċjazzjonijiet tal-kummerċ
kif ukoll pjattaformi taċ-ċittadini jippruvaw jinfluwenzaw il-mod kif l-Unjoni Ewropea tagħmel il-liġijiet tagħna.
L-għan tagħhom huwa: li jgħinu lill-Istituzzjonijiet tal-UE jsawru l-politiki li jaqblu mal-ħtiġijiet u r-realtajiet tas-soċjetà jew tal-kummerċ, il-kawża in-negozju speċifiku li jirrappreżentaw.
Din hija parti leġittima u neċessarja tal-proċess deċiżjonali demokratiku.
Kulħadd għandu jkun kapaċi jsegwih kif ukoll li jagħti l-fehma tiegħu.
Il-Parlament Ewropew, il-Kunsill u l-Kummissjoni, qed jaħdmu flimkien biex jippromwovu lobbjar trasparenti u etiku sabiex jagħmlu dan il-proċess aktar responsabbli.
Ir-Reġistru tat-Trasparenza huwa mfassal biex juri liema interessi qed jiġu rappreżentati fil-livell tal-UE fi kwalunkwe punt taż-żmien.
Dan huwa bażi tad-data pubblika online fejn il-gruppi ta’ interessi jirreġistraw u jiddikjaraw pubblikament min huma, lil min jirrappreżentaw, x’politiki tal-UE jixtiequ jinfluwenzaw, kif qed jiġu ffinanzjati u r-riżorsi li jiddedikaw għall-isforzi tal-lobbjar tagħhom.
Fl-2021, ir-reġistrazzjoni saret obbligatorja de facto.
Dan japplika għal kull rappreżentant ta’ interess li jidħol f’kuntatt dirett mal-istituzzjonijiet tal-UE.
Pereżempju, huma biss partijiet interessati reġistrati li jistgħu jkollhom aċċess għall-bini tal-istituzzjonijiet tal-UE biex jiltaqgħu mal-membri, il-Kummissarji u l-impjegati taċ-ċivil u jpoġġu fuq panels tal-esperti.
Dan ikopri wkoll laqgħat u avvenimenti,inklużi vidjokonferenzi, li għandhom l-għan li jinfluwenzaw il-proċess tat-teħid tad-deċiżjonijiet.
Ir-rappreżentanti tal-interessi reġistrati kollha jridu jiffirmaw kodiċi ta’ kondotta.
Dawn joħolqu profil online dwar l-attivitajiet ta’ lobbjar u rappreżentanza tagħhom fi kwalunkwe lingwa uffiċjali tal-UE u huma responsabbli għall-akkuratezza tal-informazzjoni u biex iżommuha aġġornata.
Kull organizzazzjoni ġdida li tapplika għal reġistrazzjoni tiġi vverifikata.
Kwalunkwe organizzazzjoni tista’ titneħħa mill-bażi tad-data għal sa sentejn jekk ma tikkonformax mal-kodiċi ta’ kondotta.
Illum, aktar minn deċenju wara l-ewwel Reġistru tat-Trasparenza interistituzzjonali, hemm aktar minn 12,000 rappreżentant ta’ interessi rreġistrati.
Ir-Reġistru tat-Trasparenza jiżgura skrutinju aktar tal-lobbjar, li jkopri kemm il-lobbisti kif ukoll l-MPE u l-impjegati taċ-ċivil li jiltaqgħu magħhom.
F’dan il-mod, it-trasparenza tal-lobbjar tgħin trawwem rappreżentanza bilanċjata u tevita pressjoni jew aċċess privileġġjat mhux dovut għal informazzjoni jew għal dawk li jieħdu d-deċiżjonijiet.
Dan jippermetti wkoll li l-persuni jkunu jafu dwar il-partijiet kollha involuti fit-tfassil tal-politika tal-UE.
Illum, ir-Reġistru tat-Trasparenza huwa għodda affidabbli li tgħin biex tinkiseb demokrazija Ewropea aktar b’saħħitha u aktar miftuħa.
Djalogu miftuħ
Il-Parlament Ewropew, il-Kunsill tal-Unjoni Ewropea u l-Kummissjoni Ewropea huma miftuħin u trasparenti fid-djalogu regolari tagħhom mar-rappreżentanti ta’ interessi u s-soċjetà ċivili.
Dawn l-istituzzjonijiet tal-UE jinteraġixxu ma’ firxa wiesgħa ta’ organizzazzjonijiet u gruppi li jirrappreżentaw interessi speċifiċi. Din hi parti leġittima u neċessarja mill-proċess ta’ teħid ta’ deċiżjonijiet sabiex jiġi żgurat li l-politiki tal-UE jirriflettu l-bżonnijiet reali taċ-ċittadini.
Madankollu, dan il-proċess għandu jkun miftuħ, biex jippermetti skrutinju pubbliku xieraq u jiżgura li l-istituzzjonijiet tal-UE huma responsabbli lejn iċ-ċittadini Ewropej.
Aktar ma l-proċess ikun miftuħ, aktar ikun faċli li tiġi żgurata rappreżentanza bbilanċjata mill-gruppi ta’ interess kollha u li tiġi evitata pressjoni żejda jew aċċess privileġġat għall-informazzjoni jew għal dawk li jieħdu d-deċiżjonijiet għal ċerti partijiet.
Ir-regoli u l-prinċipji li jirregolaw ir-reġistru huma stabbiliti fi ftehim interistituzzjonali bejn il-Parlament, il-Kunsill u l-Kummissjoni.
Aħbarijiet
Mill-1 ta’ Settembru 2025 japplikaw regoli ġodda għal-laqgħat mar-rappreżentanti ta’ gruppi ta’ interess.
From now on, the Register will automatically compare the financial information given by clients and intermediaries.
This will help to improve data quality and spot possible inconsistencies in their declarations.
NEW: Transparency Register gets a new feature – Re-activation of removed registrations with the same registration (REG) number