Is é EU Login seirbhís fíordheimhniúcháin úsáideora an Choimisiúin Eorpaigh. Cuireann sé ar chumas úsáideoirí údaraithe teacht ar réimse leathan de sheirbhísí an Choimisiúin ar líne gan ach an t-aon seoladh ríomhphoist amháin agus an t-aon phasfhocal amháin a úsáid.
Tá eolas poiblí sa Chlár Trédhearcachta, cé is moite de roinnt sonraí pearsanta a chuirtear ar fáil mar chuid den phróiseas clárúcháin agus ní fhoilsítear iad sin.
Cuireann EU Login leis an tslándáil rochtana trí úsáid a bhaint as teicneolaíocht a bhíonn á forbairt agus á cothabháil go rialta ag foireann speisialtóirí slándála.
A bhuí le EU Login, is ar mhodh aitheantais aonair níos sábháilte a bhíonn do rochtain ar na sonraí clárúcháin bunaithe.
Ní úsáidfimid ríomhphost a thuilleadh chun cumarsáid a dhéanamh leat.
Chun idirghníomhú leis an gClár Trédhearcachta, nó chun cumarsáid a dhéanamh le foireann an Chláir, úsáidfidh tú do spás srianta sa chlár.
Beidh cuntas EU Login de dhíth ort chun do chéannacht a fhíordheimhniú ionas gur féidir leat iarratas a chur isteach chuig an gclár, nuashonrú a dhéanamh ar chlárúchán atá ann cheana, gearán a dhéanamh, nó teagmháil a dhéanamh linn.
Tá cuntas EU Login de dhíth ort chun d’eagraíocht a chlárú.
Chun cuntas a chruthú, déan an méid seo a leanas:
- Roghnaigh Eagraíocht nua a chlárú i roghchlár an tsuímh ar phríomhleathanach an Chláir Trédhearcachta. Atreorófar chuig leathanach EU Login thú.
Más rud é nach n-atreorófar thú, téigh go díreach chuig leathanach EU Login.
Cliceáil Cuntas a chruthú nó cuir isteach do sheoladh ríomhphoist, cliceáil Ar Aghaidh agus lean na treoracha a thugtar.
Nuair a bheidh cuntas EU Login cruthaithe agat, is féidir leat filleadh ar an gClár Trédhearcachta, do shonraí aitheantais EU Login a úsáid chun logáil isteach i do spás srianta, agus tús a chur leis an bpróiseas clárúcháin.
Tá baint ag gach cuntas EU Login le duine aonair agus le seoladh ríomhphoist an duine sin. Beidh an duine sin agus an seoladh ríomhphoist sin ar an gcéad duine (an duine réamhshocraithe) ag a mbeidh na cearta rochtana ar an gclárúchán. Léireofar an t-eolas sin faoi cheannteideal 6 den chlárúchán (‘Daoine a bhfuil rochtain acu ar an gclárúchán’) a luaithe a bheidh sé bailíochtaithe.
Ceadóidh an córas rochtain ar an gclárúchán do bheirt (2) úsáideoirí ar a laghad agus seisear (6) úsáideoirí éagsúla ar a mhéad (agus tusa duine acu: is é sin an duine atá ag líonadh isteach na foirme iarratais).
Más gá, tabhair seoltaí ríomhphoist d’aon duine eile a bheidh san áireamh (seisear ar a mhéad a cheadaítear) i gceannteideal 6 den fhoirm. Tá cuntas EU Login dá chuid féin de dhíth ar gach duine acu sin chun rochtain a fháil ar an spás/clárúchán srianta céanna.
Nuair a chliceálann tú Eagraíocht nua a chlárú ar phríomhleathanach an Chláir Trédhearcachta, atreorófar thú chuig an leathanach EU Login. Bain úsáid as do shonraí aitheantais EU Login chun logáil isteach ar do spás srianta chun tús a chur leis an bpróiseas clárúcháin.
Ag deireadh an phróisis chlárúcháin, nascfaidh an córas do chuntas EU Login go huathoibríoch leis an gclárúchán a chuir tú i gcrích agus tabharfaidh sé rochtain duit maidir le nuashonruithe amach anseo (na daoine atá liostaithe i gceannteideal 6 den fhoirm chlárúcháin, cuirfear ar an eolas iad faoi aon nuashonrú).
Tá baint ag gach cuntas EU Login le duine aonair agus le seoladh ríomhphoist an duine sin. Beidh an duine sin agus an seoladh ríomhphoist sin ar an gcéad duine (is é sin an duine réamhshocraithe) ag a mbeidh na cearta rochtana ar an spás srianta/ar an gclárúchán. Léireofar an t-eolas sin i gceannteideal 6 den chlárúchán (‘Daoine a bhfuil rochtain acu ar an gclárúchán’) a luaithe a dhéanfar í a bhailíochtú.
Ceadaítear rochtain ar an spás srianta/ar an gclárúchán do bheirt (2) ar a laghad agus seisear (6) ar a mhéad (agus tusa duine acu: is é sin an duine atá ag líonadh isteach na foirme iarratais).
Más gá, tabhair seoltaí ríomhphoist na ndaoine eile a bheidh san áireamh (seisear (6) ar a mhéad a cheadaítear) i gceannteideal 6 den fhoirm. Tá cuntas EU Login dá chuid féin de dhíth ar gach duine acu sin chun rochtain a fháil ar an spás srianta/clárúchán céanna.
Tá cuntas EU Login de dhíth ort chun rochtain a fháil ar d’eagraíocht chláraithe sa Chlár Trédhearcachta. Ciallaíonn sé sin nach mór d’ainm agus do sheoladh ríomhphoist a bheith ar an liosta i gceannteideal 6 den chlárúchán (‘Daoine a bhfuil rochtain acu ar an gclárúchán’).
Mura bhfuil tú ar an liosta sin agus má tá rochtain de dhíth ort ar an spás srianta/clárúchán, ní mór do dhuine de na daoine eile a bhfuil rochtain acusan d’ainm agus do sheoladh ríomhphoist a chur leis an liosta sin.
Ceadaítear rochtain ar an spás srianta/ar an gclárúchán do bheirt (2) úsáideoirí ar a laghad agus seisear (6) úsáideoirí éagsúla ar a mhéad.
Tá cuntas EU Login de dhíth ort chun rochtain a fháil ar d’eagraíocht chláraithe sa Chlár Trédhearcachta nó chun rochtain a fháil ar an gclárúchán. Ciallaíonn sé sin nach mór d’ainm agus do sheoladh ríomhphoist a bheith ar an liosta i gceannteideal 6 den chlárúchán (‘Daoine a bhfuil rochtain acu ar an gclárúchán’).
Má tá rochtain de dhíth ort ar an gclárúchán, ní mór do dhuine de na daoine eile a bhfuil rochtain acusan d’ainm agus do sheoladh ríomhphoist a chur leis an liosta i gceannteideal 6 den chlárú.
Ceadaíonn an córas rochtain ar an spás srianta/ar an gclárúchán do bheirt (2) úsáideoirí ar a laghad agus seisear (6) úsáideoirí éagsúla ar a mhéad.
Más rud é go bhfuil d’ainm agus do sheoladh ríomhphoist curtha leis an liosta i gceannteideal 6 (‘Daoine a bhfuil rochtain acu ar an gclárúchán’), tá cuntas EU Login de dhíth ort fós chun rochtain a fháil ar an spás srianta/ar an gclárúchán. Mura bhfuil cuntas agat, ní mór duit ceann a chruthú.
- Roghnaigh Clárúchán a nuashonrú i roghchlár an tsuímh ar phríomhleathanach an Chláir Trédhearcachta. Atreorófar chuig leathanach EU Login thú.
Más rud é nach n-atreorófar thú, téigh go díreach chuig leathanach EU Login.
- Cliceáil Cuntas a chruthú nó cuir isteach do sheoladh ríomhphoist agus cliceáil Ar Aghaidh chun cuntas nua EU Login a chruthú. Ansin lean na treoracha a thugtar duit.
Nuair a bheidh cuntas EU Login cruthaithe agat, is féidir leat filleadh ar an leathanach logáil isteach agus do shonraí aitheantais EU Login a úsáid chun logáil isteach.
Tá cuntas EU Login de dhíth ort chun rochtain a fháil ar d’eagraíocht chláraithe sa Chlár Trédhearcachta nó chun rochtain a fháil ar an gclárúchán. Ciallaíonn sé sin nach mór d’ainm agus do sheoladh ríomhphoist a bheith ar an liosta i gceannteideal 6 den chlárúchán (‘Daoine a bhfuil rochtain acu ar an gclárúchán’).
Is éard atá sa liosta sin daoine a bhfuil rochtain acu ar an gclárúchán. Má tá rochtain de dhíth ort ar an spás srianta/ar an gclárúchán, ní mór do dhuine de na daoine eile a bhfuil rochtain acusan d’ainm agus do sheoladh ríomhphoist a chur leis an liosta rochtana.
Ceadaíonn an córas rochtain ar an spás srianta/ar an gclárúchán do bheirt (2) úsáideoirí ar a laghad agus seisear (6) úsáideoirí éagsúla ar a mhéad.
Má tá cuntas EU Login agat agus má tá tú ar liosta rochtana na heagraíochta, a luaithe a bheidh Clárúchán a nuashonrú roghnaithe agat i roghchlár an tsuímh ar phríomhleathanach an Chláir Trédhearcachta, déanfar thú a atreorú chuig leathanach EU Login. Bain úsáid as do shonraí EU Login chun an spás srianta/an clárúchán a rochtain.
Is féidir leat an cuntas céanna EU Login a nascadh le níos mó ná clárúchán amháin. Ciallaíonn sé sin gur féidir leat an cuntas EU Login céanna a úsáid chun rochtain a fháil ar spás srianta/ar chlárúchán dhá eagraíocht nó níos mó.
Ní féidir cuntais EU Login a chumasc toisc go bhfuil siad nasctha le dhá sheoladh ríomhphoist éagsúla. Go teicniúil, is beirt éagsúil atá i gceist. Mar sin féin, is féidir ceann amháin den dá chuntas EU Login sin a nascadh leis an dá chlárúchán.
Seo a leanas an dóigh lena dhéanamh sin:
Is tú atá freagrach as dhá chlárúchán: eagraíocht A agus eagraíocht B, agus clárúchán an eagraíocht acu sa Chlár Trédhearcachta. Is tú an ‘Duine atá i gceannas ar chaidreamh an Aontais Eorpaigh’ mar chuid de chlárúchán eagraíocht A, agus an ‘teagmhálaí’ mar chuid de chlárúchán eagraíocht B, mar shampla.
Eagraíocht A:
Duine atá i gceannas ar chaidreamh an Aontais Eorpaigh, seoladh ríomhphoist: xy
organisation [dot] com (xy[at]organisation[dot]com)
Eagraíocht B:
Teagmhálaí, seoladh ríomhphoist: xygmail [dot] com (xy[at]gmail[dot]com)
Teastaíonn uait cuntas EU Login amháin (an ceann a mbaineann an seoladh xyorganisation [dot] com (xy[at]organisation[dot]com) leis) a úsáid chun an dá chlárúchán a rochtain.
Ní mór duit an méid seo a leanas a dhéanamh:
- logáil isteach i spás srianta/i gclárúchán eagraíocht B trí úsáid a bhaint as an gcuntas EU Login a mbaineann an seoladh xygmail [dot] com (xy[at]gmail[dot]com) leis (ós é sin an seoladh a sonraíodh i gclárúchán eagraíocht B)
- cuir an seoladh xyorganisation [dot] com (xy[at]organisation[dot]com) leis an liosta i gceannteideal 6 (‘Daoine a bhfuil rochtain acu ar an gclárúchán’).
Más mian leat do sheoladh xygmail [dot] com (xy[at]gmail[dot]com) a bhaint de chlárúchán eagraíocht B chomh maith, ní mór duit an méid seo a leanas a dhéanamh:
- logáil isteach sa spás srianta trí úsáid a bhaint as an gcuntas EU Login a mbaineann an seoladh xyorganisation [dot] com (xy[at]organisation[dot]com) leis (agus NÍ xygmail [dot] com (xy[at]gmail[dot]com))
- téigh chuig an rannán ‘Mo chuid chlárúchán’ agus roghnaigh clárúchán eagraíocht B
- scrios an seoladh xygmail [dot] com (xy[at]gmail[dot]com) ón liosta faoi cheannteideal 6.
Sa spás srianta, roghnaigh ‘Mo chuid chlárúchán’ chun féachaint ar na heagraíochtaí uile a bhfuil do chuntas EU Login nasctha leo.
Ní mór duit cur isteach ar rochtain ar áitreabh Pharlaimint na hEorpa ar an leathanach maidir le creidiúnú Pharlaimint na hEorpa. Ní gá duit logáil isteach i do spás srianta/i do chlárúchán sa Chlár Trédhearcachta chun bainistiú a dhéanamh ar do chuid iarratas ar rochtain ar Pharlaimint na hEorpa.
Tá tuilleadh eolais le fáil ar an leathanach maidir le creidiúnú Pharlaimint na hEorpa:
Tabharfaidh an córas rochtain go huathoibríoch do na cuntais EU Login a mbaineann seoladh ríomhphoist na ndaoine seo a leanas leo:
- an teagmhálaí
- an duine ar a bhfuil freagracht dhlíthiúil
- an duine atá i gceannas ar chaidreamh an Aontais Eorpaigh
- an duine a líonann isteach an fhoirm chlárúcháin (murab ionann é agus na daoine a luaitear thuas).
Beidh na seoltaí ríomhphoist sin le feiceáil go huathoibríoch ar liosta ‘Daoine a bhfuil rochtain acu ar an gclárúchán’ d’eagraíochta faoi cheannteideal 6. Is féidir leat seoltaí ríomhphoist breise a chur leis freisin. Is féidir le beirt (2) úsáideoirí ar a laghad agus seisear (6) úsáideoirí ar a mhéad rochtain a bheith acu ar an spás srianta/ar an gclárúchán.
Má theastaíonn rochtain uait le haghaidh níos mó daoine, tabhair seoladh ríomhphoist gach duine acu i gceannteideal 6 den fhoirm chlárúcháin. Tá cuntas EU Login dá chuid féin de dhíth ar gach duine acu sin chun rochtain a fháil ar an spás srianta/ar an gclárúchán.
Is féidir leat cuntas EU Login amháin a nascadh le heagraíocht amháin nó níos mó atá liostaithe sa chlár.
Ba cheart d’ainm agus do sheoladh ríomhphoist atá nasctha leis an eagraíocht óna n-imíonn tú a bhaint den chlárúchán. Ós rud é gur gá an clárúchán a choinneáil cothrom le dáta, ba cheart é seo a dhéanamh díreach tar éis duit imeacht ón eagraíocht.
Ní féidir leat féin é sin a dhéanamh.
Beidh ort iarraidh ar:
- dhuine de na daoine a bhfuil rochtain acu ar an spás srianta/ar an eagraíocht óna bhfuil tú ag imeacht do sheoladh ríomhphoist a bhaint den liosta rochtana
- dhuine a bhfuil rochtain aige ar an spás srianta/ar an gclárúchán ina bhfuil tú ag dul isteach do sheoladh ríomhphoist a chur leis an liosta rochtana.
Ba cheart d’ionadaithe sainleasa clárú. Ciallaíonn sé sin aon eagraíocht nó aon duine aonair a théann i mbun gníomhaíochtaí a chumhdaítear leis an gclár.
I measc na ngníomhaíochtaí nach gcumhdaítear leis an gclár tá comhairle dhlíthiúil agus comhairle ghairmiúil eile, cruinnithe spontáineacha, aighneachtaí agus cruinnithe a dhéanamh atá ina gcuid de nósanna imeachta riaracháin, comhpháirtithe sóisialta a ghlacann páirt san Idirphlé Sóisialta, agus freagairt a thabhairt ar iarrataí ar eolas fíorasach agus ar shaineolas ó na hinstitiúidí.
Ní chumhdaítear monatóireacht a dhéanamh ar dhlí an Aontais nó ar fhorbairtí beartais chun críoch acadúil nó iriseoireachta, le teann spéise pearsanta, nó chun ceart a fheidhmiú (mar shampla, agallaimh a dhéanann taighdeoirí nó iriseoirí faoin reachtaíocht atá le teacht, nó ullmhú le haghaidh achainí a dhéanamh chuig Parlaimint na hEorpa).
Daoine aonair a dhéanann gníomhaíochtaí i gcáil atá go hiomlán pearsanta agus nach bhfuil i gcomhlachas le daoine eile, ní mheastar gur ionadaithe sainleasa iad.
Comhlachtaí áirithe, amhail údaráis phoiblí i dtíortha an Aontais agus i dtíortha nach den Aontas iad, comhlachais agus líonraí údarás poiblí, eagraíochtaí idir-rialtasacha, páirtithe polaitiúla, eaglaisí agus comhlachais nó pobail reiligiúnacha, agus eagraíochtaí fealsúnacha agus neamhchreidmheacha, ní gá dóibh clárú, cé is moite de roinnt eisceachtaí.
Tá liosta iomlán na ngníomhaíochtaí nach gcumhdaítear leis an gclár ar fáil sa chomhaontú idirinstitiúideach (Airteagal 4).
Mura bhfuil ach roinnt de do chuid gníomhaíochtaí cumhdaithe leis an gclár, is iad na gníomhaíochtaí sin ba cheart duit a dhearbhú, agus iad sin amháin.
Cumhdaítear leis an gclár na gníomhaíochtaí uile a dhéantar d’fhonn tionchar a imirt ar fhoirmliú nó ar chur i bhfeidhm bheartas nó reachtaíocht an Aontais, nó ar phróisis chinnteoireachta institiúidí an Aontais, seachas i gcás gníomhaíochtaí sonraithe áirithe atá liostaithe sa chomhaontú idirinstitiúideach (Airteagal 4).
Féadfaidh an méid seo a leanas a bheith san áireamh sna gníomhaíochtaí sin:
- cruinnithe, comhdhálacha agus imeachtaí a eagrú nó rannpháirt a ghlacadh iontu
- rannchuidiú le comhairliúcháin phoiblí, éisteachtaí nó tionscnaimh chomhchosúla eile nó rannpháirt a ghlacadh iontu
- feachtais chumarsáide, ardáin, líonraí nó tionscnaimh chosmhuintire a eagrú
- páipéir bheartais agus seasaimh, pobalbhreitheanna, suirbhéanna, litreacha oscailte agus obair thaighde a ullmhú nó a choimisiúnú.
Tarlaíonn ionadaíocht sainleasa freisin nuair a bhailíonn daoine atá ag obair i ngnóthaí poiblí eolas trí mhonatóireacht a dhéanamh ar an timthriall cinnteoireachta reachtach. Ba cheart é sin a lua agus clárú á dhéanamh, go háirithe nuair a bhíonn teagmháil dhíreach ann leis na hinstitiúidí.
Má tá tú ag cur tús le gníomhaíochtaí nó ag ullmhú gníomhaíochtaí a bhfuil tionchar acu, ní mór duit a bheith in ann sonraí sonracha a chur ar fáil ina leith.
Chun tuilleadh eolais a fháil, féach na treoirlínte (Cuid II.1).
Is ar bhonn deonach a dhéantar clárú dóibh siúd a bhfuil baint acu le gníomhaíochtaí ionadaíochta leasa (féach Airteagal 3 agus Airteagal 6 den chomhaontú idirinstitiúideach agus na treoirlínte – Cuid II.1).
Mar sin féin, ní mór duit a bheith cláraithe chun gníomhaíochtaí áirithe a dhéanamh a dteastaíonn clárú roimh ré ó institiúidí an Aontais lena n-aghaidh, amhail bualadh le cinnteoirí áirithe nó le foireann shinsearach institiúidí an Aontais, a bheith ag labhairt ag imeachtaí poiblí i bParlaimint na hEorpa nó a bheith i do bhall de ghrúpaí saineolaithe an Choimisiúin Eorpaigh. Chun beartaíocht thrédhearcach eiticiúil le hionadaithe sainleasa a chur chun cinn, leagann institiúidí an Aontais coinníollacha áirithe síos maidir lena n-idirghníomhaíocht leo. Sin é prionsabal na ‘coinníollachta’. Fágann an prionsabal sin go gceanglaítear ar ionadaithe sainleasa clárú chun gníomhaíochtaí áirithe a dhéanamh.
Is éard atá sna bearta coinníollachta rialacha arna nglacadh ag gach institiúid a fhágann go mbíonn gníomhaíochtaí áirithe ionadaithe sainleasa coinníollach ar iad a bheith cláraithe sa Chlár Trédhearcachta. Foilsítear na rialacha sin ar an leathanach Coinníollachta.
Is féidir leis na hinstitiúidí bearta comhlántacha trédhearcachta a ghlacadh chun níos mó daoine agus eagraíochtaí a spreagadh chun clárú, rud a threisíonn an trédhearcacht. Ní gá clárú chun tairbhe a bhaint as na bearta sin.
Seo roinnt samplaí den trédhearcacht chomhlántach: cruinnithe a bheith á bhfoilsiú ag na hinstitiúidí idir a gcinnteoirí agus a n-ionadaithe sainleasa, dreasachtaí chun éascú a dhéanamh ar rannpháirtíocht na n-ionadaithe sainleasa i gcomhairliúcháin phoiblí agus foláirimh eolais shaincheaptha ar féidir le hionadaithe sainleasa liostáil leo ón bhfoirm chlárúcháin.
Foilsítear gach beart coinníollachta agus gach beart comhlántach trédhearcachta arna ghlacadh ag na 3 phríomhinstitiúid den Aontas (mar atá an Pharlaimint, an Coimisiún agus an Chomhairle) ar an leathanach Coinníollachta.
San áireamh ar an leathanach seo tá bearta institiúidí eile de chuid an Aontais agus de chuid tíortha an Aontais (lena gcumhdaítear idirghníomhaíochtaí na n-ionadaithe sainleasa lena mbuanionadaíochtaí chuig an Aontas), i gcás inar cuireadh iad sin in iúl.
Ba cheart duit clárú má dhéanann tú gníomhaíochtaí a chlúdaítear leis an gclár. Tá ionadaithe sainleasa in ainm agus clárú, is cuma an duine nó eagraíocht iad, gan beann ar a gcineál eagraíochta, méid na heagraíochta, agus na bealaí cumarsáide a úsáideann siad le haghaidh a gcuid gníomhaíochtaí.
Aon duine aonair a dhéanann gníomhaíochtaí i gcáil atá go hiomlán pearsanta agus nach bhfuil i gcomhlachas le daoine eile, ní mheastar gur ionadaithe sainleasa iad.
Níor cheart d’eagraíochtaí atá bunaithe nó ag feidhmiú i níos mó ná tír amháin (e.g. eagraíochtaí ilnáisiúnta, eagraíochtaí neamhrialtasacha a bhfuil brainsí i dtíortha nó i réigiúin éagsúla acu) a ngníomhaíochtaí ionadaíochta sainleasa a chlárú ach aon uair amháin. Sa chleachtas, is iondúil gurb í an bhrainse nó an oifig atá freagrach as an gcaidreamh leis an Aontas Eorpach an brainse nó an oifig is oiriúnaí chun clárú, rud a chlúdaíonn na codanna eile den eagraíocht ar an dóigh sin. Agus tú ag clárú, ba cheart duit a shonrú cé na codanna de d’eagraíocht atá san áireamh sa chlárúchán.
Chun tuilleadh eolais a fháil, féach na treoirlínte (Cuid II.2).
Ba cheart do chliaint clárú mar go bhfuil siad ag gabháil do ghníomhaíochtaí a chumhdaítear leis an gclár trí idirghabhálaí. Agus tú ag clárú, ní mór duit eolas a chur ar fáil faoi na hidirghabhálaithe sin, amhail comhairleachtaí nó gnólachtaí dlí atá i mbun gníomhaíochtaí thar do cheann.
Chun tuilleadh eolais a fháil, féach na treoirlínte (Cuid II.5, Ceannteideal 14).
I bprionsabal, níor cheart. Má chuireann tú an t-eolas go léir is gá ar fáil faoi do bhaill, do chleamhnaithe nó d’fhochuideachtaí agus tú ag clárú, ní gá dóibh sin clárú.
Mar sin féin, más ball, fochuideachta nó cleamhnaí d’ionadaí sainleasa cláraithe thú, agus má dhéanann tú do ghníomhaíochtaí ionadaíochta sainleasa féin go neamhspleách ar an mbrateagraíocht chláraithe, ba cheart duit clárú ar bhonn aonair.
Ba cheart duit clárú má dhéanann tú gníomhaíochtaí a chumhdaítear leis an gclár gan beann ar an áit ina bhfuil d’oifig lonnaithe. Iarrfar ort sonraí a thabhairt faoin oifig atá freagrach as an gcaidreamh le hinstitiúidí an Aontais (má tá ceann agat).
Ba cheart. Cumhdaíonn clárú aonair aon ghníomhaíocht a bhaineann le Parlaimint na hEorpa, leis an gComhairle agus leis an gCoimisiún. Má bhaineann do chuid gníomhaíochtaí le hinstitiúid eile de chuid an Aontais, ba cheart duit clárú agus aon eolas ábhartha faoi na gníomhaíochtaí sin a chur ar fáil.
Ba cheart do dhlíodóirí aonair agus do ghnólachtaí dlí clárú nuair a chuireann siad gníomhaíochtaí i gcrích a chumhdaítear leis an gclár thar a gceann féin nó thar ceann a gcliant. Agus tú ag clárú, ní mór duit eolas a chur ar fáil faoi na cliaint a bhfuil tú ag déanamh ionadaíochta orthu ó thaobh na ngníomhaíochtaí sin.
Ní gá duit clárú más amhlaidh atá comhairle dlí agus comhairle ghairmiúil eile á cur ar fáil agat sna cásanna seo a leanas.
- Gurb éard atá sa chomhairle ionadaíocht a dhéanamh ar chliaint i nós imeachta idir-réitigh nó idirghabhála darb aidhm nach dtabharfar díospóid os comhair comhlacht breithiúnach nó riaracháin;
- Go dtugtar an chomhairle do chliaint chun cabhrú leo a chinntiú go gcomhlíonann a ngníomhaíochtaí an creat dlíthiúil atá ann cheana;
- Gurb éard atá sa chomhairle ionadaíocht a dhéanamh ar chliaint agus a gcearta bunúsacha nó a gcearta nós imeachta a choimirciú (amhail an ceart chun éisteacht a fháil, an ceart chun triail chóir a fháil, agus an ceart chun cosanta in imeachtaí riaracháin), agus go bhfuil gníomhaíochtaí san áireamh a dhéanann dlíodóirí nó aon ghairmithe eile a bhfuil baint acu le hionadaíocht a dhéanamh ar chliaint agus a gcearta bunúsacha nó a gcearta nós imeachta a choimirciú.
Is gá duit clárú más é is cuspóir don chruinniú seo plé a dhéanamh, agus tionchar a dhéanamh fiú, ar fhoirmliú nó ar chur i bhfeidhm beartais nó reachtaíochta nó ar phróisis chinnteoireachta institiúidí an Aontais. Mura bhfuil tú cláraithe, ní bheidh tú in ann bualadh leis an gCoimisinéir, ná le hionadaithe a c(h)omh-aireachta.
Le haghaidh aon cháis eile nó aon ghníomhaíochta eile nach gcumhdaítear, déan teagmháil le hoifig phríobháideach (cabinet) an Choimisinéara lena mbaineann.
Má tá cliaint á dtabhairt chuig an gcruinniú agat, ní mór dóibhsean a bheith cláraithe sa Chlár Trédhearcachta chomh maith. Mar sin féin, más rud é go bhfuil tú ag tabhairt eagraíochtaí ball leat mar bhratchumann agus má chuir tú eolas ar fáil faoi do bhallraíocht, ní gá dóibh clárú. Má tá siad ag déanamh ionadaíochta do shainleasanna a n-eagraíochta féin ag an gcruinniú, ní mór dóibh clárú ina n-aonar.
Ní chumhdaítear leis an gclár gníomhaíochtaí brústocaireachta a dhéantar ar an leibhéal náisiúnta. D’fhéadfadh gníomhaíochtaí den sórt sin teacht faoin reachtaíocht náisiúnta maidir le brústocaireacht náisiúnta.
Ní mór d’ionadaithe sainleasa clárú má tá siad ag bualadh le Buanionadaí nó Leas-Bhuanionadaí de chuid rialtas AE chuig an Aontas Eorpach nuair a ghníomhaíonn na hoifigigh sin ina gcáil mar uachtaránacht ar an gComhairle. Beidh feidhm aige sin le linn na huachtaránachta agus sna 6 mhí roimhe sin.
Na Ballstáit sin den Aontas a bhfuil uachtaránacht na Comhairle acu ó mhí Iúil 2021 i leith, chruthaigh gach ceann acu leathanach tiomnaithe ar shuíomh gréasáin ábhartha na hUachtaránachta chun an gealltanas sin a léiriú.
Féadfaidh aon Bhallstát a chinneadh freisin, i gcomhréir lena dhlí náisiúnta agus lena inniúlachtaí náisiúnta, coinníollacht bhreise nó bearta comhlántacha trédhearcachta a ghlacadh maidir lena bhuanionadaíocht chuig an Aontas.
Foilsítear na bearta sin ar shuíomh gréasáin an Chláir Trédhearcachta. Chun tuilleadh eolais a fháil, féach na Treoirlínte (Cuid I.3).
Ba cheart duit a bheith cláraithe chun bualadh le Feisire de Pharlaimint na hEorpa (FPE). Baineann Feisirí Eorpacha úsáid as sonraí an Chláir Trédhearcachta chun eolas a fhoilsiú faoina gcruinnithe sceidealaithe féin le hionadaithe sainleasa maidir le gnó parlaiminteach ar a leathanaigh phróifíle ar shuíomh gréasáin Pharlaimint na hEorpa.
Más iar-Fheisire thú nó má fhostaíonn tú iar-Fheisire, tá sé tábhachtach a bheith ar an eolas faoi rialacha áirithe. San áireamh sna rialacha sin tá tréimhse mharana 6 mhí ag deireadh shainordú an FPE nach bhféadfaidh siad brústocaireacht a dhéanamh ar a bpiaraí atá ina suí lena linn. Ní mór do na Feisirí atá ina suí an tréimhse mharana sin a urramú. Ní féidir le hiar-Fheisirí a ngníomhaíochtaí ionadaíochta sainleasa a chlárú agus iarratas a dhéanamh ar rochtain ar an bParlaimint go dtí go mbeidh deireadh leis an tréimhse mharana sin.
Ní mór duit a bheith cláraithe:
- más cainteoir, modhnóir, láithreoir, óráidí, painéalaí nó rannpháirtí thú ag imeacht parlaiminteach
- más rud é go bhfuil baint agat, mar ionadaí sainleasa, le himeacht a eagrú atá údaraithe ag comhlacht parlaiminteach nó ag grúpa polaitiúil, bíodh sin ó thaobh lóistíochta, praiticiúlachta nó airgeadais de.
Mura bhfuil tú cláraithe nó má chuirtear do chlárúchán ar fionraí lá an imeachta, ní bheidh cead agat páirt a ghlacadh san imeacht. Ní mór duit a chinntiú go bhfuil tú cláraithe i bhfad roimh an imeacht agus go bhfuil do chlárúchán bailíochtaithe.
Ba cheart duit dáta agus teideal an imeachta a lua i do chlárúchán faoi ‘gníomhaíochtaí cumarsáide’.
Féadfaidh tú clárú má shonraíonn tú go soiléir san fhoirm chlárúcháin go ndéanann tú gníomhaíochtaí a chumhdaítear leis an gclár, má chloíonn tú leis an gcód iompair agus na gníomhaíochtaí sin á ndéanamh agat, agus má chuireann tú isteach iarratas clárúcháin.
Beidh d’iontráil le feiceáil ag an bpobal nuair a bheidh do chlárúchán seiceáilte agus bailíochtaithe againn.
Níl. Tá an clárúchán saor in aisce.
Ní mór duit an méid seo a leanas a chur ar fáil:
- eolas faoi d’eagraíocht: ainm, cineál eagraíochta, sonraí teagmhála, spriocanna agus misean, ballraíocht
- eolas faoi na sainleasanna a ndéanann tú ionadaíocht orthu agus faoi reachtaíocht agus beartais shonracha an Aontais Eorpaigh a bhfuil do chuid gníomhaíochtaí dírithe orthu
- eolas airgeadais, ag brath ar chineál na sainleasanna a bhfuil ionadaíocht á déanamh orthu.
Déan cinnte de go bhfuil an t-eolas sin ann ina iomláine, cothrom le dáta, cruinn agus nach bhfuil sé míthreorach.
Chun tuilleadh eolais a fháil, féach na treoirlínte (Cuid I.5).
Is clár poiblí atá ann. Mar sin féin, ní chuirtear an t-eolas ar fad a sholáthraíonn tú ar fáil don phobal, go háirithe eolas pearsanta, amhail seoltaí ríomhphoist agus ainmneacha teagmhálaithe. Na réimsí lena bhfuil deilbhín súile agus slais ann, níl siad poiblí.
Chun tuilleadh sonraí a fháil faoi phróiseáil do shonraí pearsanta, féach an fógra cosanta sonraí.
Ní mór d’eagraíochtaí nua meastacháin a chur ar fáil don bhliain airgeadais reatha, amhail eolas faoi aon deontas ón Aontas a fuair siad. Má dhéanann tú ionadaíocht do chliaint nó má bhaineann tú úsáid as seirbhísí idirghabhálaithe ach nach bhfuil do chuntais dúnta agat go fóill, ní gá duit ach ainmneacha na gcliant nó na n-idirghabhálaithe sin a thabhairt.
Ní féidir leat ach an rogha ‘Eintiteas nuabhunaithe’ a roghnú don chéad 2 bhliain de do chlárúchán. Chun tuilleadh eolais a fháil, féach na treoirlínte (Cuid II.5 – Ceannteideal 14).
Agus tú ag clárú, ní mór duit na sainleasanna a roghnú a ndéanann tú ionadaíocht orthu mar eagraíocht nó mar dhuine féinfhostaithe. Is féidir leat rogha a dhéanamh as na nithe seo a leanas:
- cuireann tú do shainleasanna féin nó sainleasanna comhchoiteanna do chomhaltaí chun cinn
- cuireann tú sainleasanna do chliant chun cinn
- ní dhéanann tú ionadaíocht do shainleasanna tráchtála ar bith.
Na sainleasanna a roghnú a ndéanann tú ionadaíocht orthu, níl baint aige sin le do stádas dlíthiúil. Mar shampla, ní gá gur cheart d’eintitis neamhbhrabúis ‘ní dhéanaimid ionadaíocht do shainleasanna tráchtála’ a roghnú.
Ba cheart go léireodh na sainleasanna atá roghnaithe agat aidhm do ghníomhaíochtaí a bhaineann le hinstitiúidí an Aontais Eorpaigh agus a bhfuil tú ag gníomhú thar a gceann.
Mar shampla, dhéanfadh comhlachas (barra) dlíodóirí gairmiúla nó comhlachas leighis comhleasanna na gairme dlí nó leighis agus leasanna a mball a chur chun cinn de ghnáth (ar dlíodóirí féinfhostaithe nó dochtúirí iad agus/nó duine nó eagraíocht i ngnó brabúsach). Ar an gcaoi chéanna, is iondúil go ndéanfadh bratchomhlachais na mbarraí sin nó na gcomhlachas leighis sin ar leibhéal an Aontais ionadaíocht do chomhleasanna a gcomhlachas comhaltaí féin agus, sa deireadh thiar, do chomhaltaí na gcomhlachas deireanach sin.
Mar shampla, má tá conradh ag gnólacht gnóthaí poiblí le tríú páirtí chun a shainleasanna a bhaineann le hinstitiúidí an Aontais a chur chun cinn, ba cheart dó ‘déanaimid sainleasanna cliant a chur chun cinn’ a roghnú.
Mar shampla, má tá meitheal machnaimh ann arb í a príomhchuspóir cúiseanna sóisialta a chur chun cinn ar mhaithe le leas an phobail i réimse na tithíochta sóisialta, ba cheart di a dhearbhú nach ndéanann siad ionadaíocht ar shainleasanna tráchtála.
Chun tuilleadh eolais a fháil, féach na treoirlínte (Cuid II.5 – Ceannteideal 8).
Ní mór duit an méid seo a leanas a chur ar fáil:
- sonraí faoi aon deontas ón Aontas a fuair tú agus a rannchuidigh le do chostais oibriúcháin sa bhliain airgeadais ábhartha (an t-údarás cistiúcháin agus an clár)
- meastachán ar chostais bhliantúla na ngníomhaíochtaí a chumhdaítear leis an gclár,
- ainmneacha aon idirghabhálaithe a mbaineann tú úsáid astu agus costas gach idirghabhálaí aonair le haghaidh na ngníomhaíochtaí a ghabhann leo.
Ba cheart na suimeanna uile a bheith in euro.
Ní mór duit an méid seo a leanas a chur ar fáil:
- sonraí faoi aon deontas ón Aontas a fuair tú agus a rannchuidigh le do chostais oibriúcháin sa bhliain airgeadais ábhartha (an t-údarás cistiúcháin agus an clár)
- an méid ioncaim do gach cliant (mar aon lena (h)ainm agus a b(h)eartais ar a bhfuiltear ag díriú).
Déanfaimid meastachán go huathoibríoch ar an ioncam bliantúil iomlán a ghintear ó na gníomhaíochtaí a chumhdaítear leis an gclár.
Eolas a bhaineann le gníomhaíochtaí ionadaíochta sainleasa a dhéantar thar ceann rialtais nó údaráis phoiblí nach den Aontas iad.
Ba cheart na suimeanna uile a bheith in euro.
Ní mór duit an méid seo a leanas a dhéanamh:
- sonraí a thabhairt faoi aon deontas ón Aontas a fuair tú agus a rannchuidigh le do chostais oibriúcháin sa bhliain airgeadais ábhartha (údarás cistiúcháin agus clár)
- an buiséad bliantúil agus na príomhfhoinsí maoinithe a shonrú de réir catagóire (maoiniú poiblí, deontais, tabhartais, ranníocaíochtaí comhaltaí, etc.)
- dearbhú a dhéanamh ar aon ranníocaíocht airgeadais le d’eagraíocht agus aon ghníomhaíochtaí ionadaíochta sainleasa a bhaineann le daoine aonair nó le heagraíochtaí ó thíortha nach den Aontas iad
- méid gach ranníocaíochta a fuair tú atá níos mó ná €10,000 agus atá níos airde ná 10% de do bhuiséad iomlán, an méid sin a chur isteach agus ainm an ranníocóra a thabhairt.
Ba cheart na suimeanna uile a bheith in euro.
Ba cheart. Ceadaítear sa chlár do bheirt ionadaithe sainleasa an caiteachas céanna a dhearbhú (‘comhaireamh dúbailte’). Ar an gcaoi sin, seachnaítear gannmheastachán a dhéanamh ar aon chaiteachas airgeadais dearbhaithe.
Is féidir le hionadaí sainleasa costais na ngníomhaíochtaí a dhearbhú. Is féidir le hionadaí sainleasa eile an méid céanna a fuarthas ón gcéad ionadaí sainleasa a dhearbhú i dtéarmaí láimhdeachais (ó chliaint) nó i dtéarmaí buiséid (ó tháillí comhaltais).
Mar shampla, conraíonn do chuideachta comhairleacht gnóthaí poiblí ar €50,000. Beidh an tsuim sin le feiceáil faoi dhó sa chlár:
- i meastachán do chuideachta ar chostais bhliantúla na ngníomhaíochtaí a chumhdaítear leis an gclár
in ioncam na comhairleachta gnóthaí poiblí ó sheirbhísí a chuirtear ar fáil do chliaint.
Molaimid gan CBL a chur san áireamh sna meastacháin (costas, láimhdeachas nó ioncam ó chliaint) toisc gur cáin é CBL seachas costas a bhaineann le gníomhaíochtaí gnóthaí poiblí. Féadfaidh rátaí éagsúla a bheith i gceist le CBL freisin agus féadfar é a ghearradh ar bhealaí éagsúla i dtíortha an Aontais agus i dtíortha eile.
Ní mór duit do chlárúchán a nuashonrú uair sa bhliain ar a laghad.
Is eolas poiblí atá sa chlár, agus breathnaíonn páirtithe leasmhara, acadóirí, mic léinn, iriseoirí, daoine príobháideacha agus daoine eile go grinn air. Dá bhrí sin, is chun do leasa féin é athbhreithniú rialta a dhéanamh ar do chlárúchán agus é a choinneáil cothrom le dáta.
Ní mór duit do chlárúchán a nuashonrú uair sa bhliain ar a laghad. Mar sin féin, molaimid duit athbhreithniú a dhéanamh ar do chlárúchán iomlán dhá uair sa bhliain ar a laghad lena chinntiú go bhfuil an t-eolas cothrom le dáta agus ábhartha.
Ba cheart duit machnamh a dhéanamh ar do chlárúchán a thabhairt cothrom le dáta a luaithe a bheidh aon eolas a chuir tú ar fáil ann as dáta nó míchruinn (mar shampla, tar éis athruithe ar do struchtúr, ar do bhaill foirne nó ar do ghníomhaíochtaí).
Féadfaimid teagmháil a dhéanamh leat ag am ar bith agus iarraidh ort do chlárúchán a nuashonrú mar chuid dár rialuithe cáilíochta sonraí.
Ní mór duit logáil isteach chun nuashonrú a dhéanamh. Is féidir leat codanna de do chlárúchán a nuashonrú am ar bith chun eolas a thabhairt cothrom le dáta nó a cheartú i rannán, mar shampla, an teagmhálaí a athrú nó ainm na heagraíochta a athrú. Is nuashonrú páirteach é sin.
Ní mór duit nuashonrú bliantúil (iomlán) a dhéanamh tar éis dhúnadh do bhliana airgeadais chun an t-eolas airgeadais don bhliain sin a sholáthar:
- Is gá do gach cláraí an nuashonrú bliantúil a dhéanamh uair sa bhliain
- Bliain amháin tar éis dháta an chlárúcháin is ea an spriocdháta, agus ansin bliain amháin tar éis dháta an nuashonraithe bhliantúil
- Más gá, is féidir leat nuashonrú iomlán (bliantúil) a dhéanamh ag roinnt pointí sa bhliain, agus gach uair a dhéanann tú amhlaidh, athróidh sé an chéad spriocdháta eile
- Cuirfear i gcuimhne duit (agus do na daoine go léir a bhfuil rochtain acu ar an gclárúchán) 4 seachtaine roimh an spriocdháta agus 2 sheachtain roimh an spriocdháta nach mór nuashonrú a dhéanamh
- Mura ndéanann tú do chlárúchán a nuashonrú faoin spriocdháta, cuirfear do chlárúchán ar fionraí agus bainfear é 2 sheachtain tar éis an spriocdháta
- Is próiseas uathoibríoch é agus ní féidir é a mhodhnú.
Is féidir leat do chlárúchán a scriosadh tráth ar bith, mar shampla, toisc go bhfuil deireadh tagtha leis an ngníomhaíocht nó toisc nach bhfuil tú ag iarraidh tionchar a imirt ar chinnteoireacht an Aontais a thuilleadh.
Téigh go dtí an táb ‘Clárú nó nuashonrú’ agus tú logáilte isteach, áit a dtiocfaidh tú an rogha chun scriosadh.
Is féidir clárú arís nuair a bheidh gníomhaíochtaí ábhartha le dearbhú agat.
D’fhéadfadh sé nach mbeadh clárúchán infheicthe nó d’fhéadfadh sé gur baineadh é ar na cúiseanna seo a leanas:
- níl an clárúchán nua bailíochtaithe againn go fóill
- ní dhearna an t-ionadaí sainleasa an nuashonrú bliantúil éigeantach
- níor thug an t-ionadaí sainleasa freagra ar ár n-iarratas chun a chlárúchán a nuashonrú.
Féach liosta na gclárúchán a cuireadh ar fionraí go sealadach.
Is féidir leat clárú arís má dhéanann tú gníomhaíochtaí a chumhdaítear leis an gclár agus má chloíonn tú leis an gcód iompair. Nuair a bheidh do chlárúchán bailíochtaithe, gheobhaidh tú cláruimhir nua.
Chun tuilleadh eolais a fháil, féach na treoirlínte.
Úsáidimid EU Login mar mhodh fíordheimhnithe le haghaidh úsáideoirí. Ní mór duit do shonraí EU Login a úsáid chun rochtain a fháil ar an spás srianta agus ar do chlárúchán.
Má tá dearmad déanta agat ar do phasfhocal EU Login, déan teagmháil le deasc chabhrach EU Login.
Má tháinig athrú ar na teagmhálaithe, mar shampla toisc gur imigh siad ón eagraíocht, déan do chlárúchán a nuashonrú. Ba cheart seoladh ríomhphoist na ndaoine sin a d’imigh ó d’eagraíocht a bhaint de cheannteideal 6 den chlárúchán (‘Daoine a bhfuil rochtain acu ar an gclárúchán’).
Ní mór do dhaoine a bhfuil rochtain acu ar an gclárúchán a bheith ar an eolas nach féidir le haon duine eile rochtain a fháil ar an gclárúchán. Tá sé tábhachtach, mar sin, a gcuid sonraí a thabhairt cothrom le dáta aon uair is gá chun leanúnachas gnó a chinntiú.
Ba cheart duit an t-eolas sin a thabhairt cothrom le dáta, mar shampla, tar éis cumaisc nó éadála, a luaithe a tharlaíonn an t-athrú. Is féidir leat é sin a dhéanamh mar chuid den rogha nuashonraithe bliantúil, sin nó clárúchán nua a chruthú agus an ceann roimhe sin a bhaint de. Ní féidir an nuashonrú sin a dhéanamh mar nuashonrú páirteach.
Is féidir. I gcás inar baineadh an clárúchán bunaidh e.g. toisc nach ndearnadh an nuashonrú bliantúil éigeantach, nó i gcás inar chinn d’eagraíocht gan dul i mbun gníomhaíochtaí ionadaíochta sainleasa a thuilleadh, is féidir leat é a athghníomhachtú leis an tseanuimhir chlárúcháin chéanna (SAME REG). Tá teorainn ama ann chun an clárúchán a athghníomhachtú – ní mór don chlárúchán a bheith bainte den chlár níos lú ná dhá bhliain ó shin.
Chun an clárúchán a baineadh den chlár níos lú ná dhá bhliain ó shin a athghníomhachtú, cuir isteach an iarraidh ar athghníomhachtú atá ar fáil i do spás srianta. Déanfaimid d’iarraidh a sheiceáil agus a bhailíochtú agus, a luaithe a bheidh sé sin déanta, beidh d’iontráil le feiceáil arís ag an bpobal. Nuair a bheidh sé athghníomhachtaithe, beidh an stair iomlán le feiceáil mar chuid de do chlárúchán freisin, cuir i gcás liosta na gcruinnithe, aighneachtaí le comhairliúcháin phoiblí, etc.
Is éard atá sa chód iompair sraith rialacha agus prionsabail eiticiúla agus iompraíochta nach mór do na cláraithe uile a urramú chun cothrom na Féinne a chinntiú maidir le gníomhaíochtaí ionadaíochta sainleasa a bhfuil baint ag institiúidí an Aontais leo. Ní mór duit gealltanas a thabhairt cloí leis na rialacha agus na prionsabail sin nuair a chláraíonn tú.
Féach leathanach an chóid iompair. Tá sé i gceangal freisin leis an gcomhaontú idirinstitiúideach (Iarscríbhinn I).
Más cliant nó idirghabhálaí thú, ní mór duit a chinntiú go gcláraítear na páirtithe go léir sa chaidreamh conarthach/sna caidrimh chonarthacha idir cliaint agus idirghabhálaithe. Nuair a sheachfhoinsíonn tú cúraimí áirithe chuig tríú páirtithe nach bhfuil cláraithe le haghaidh gníomhaíochtaí a chumhdaítear leis an gclár, ní mór duit a chinntiú go gcomhlíonann siad caighdeáin eiticiúla atá coibhéiseach leis na caighdeáin a bhaineann leatsa.
Ní mór duit do chuid fostaithe a dhéanann gníomhaíochtaí a chumhdaítear leis an gclár a chur ar an eolas faoi do thiomantas an cód iompair a urramú.
Ina theannta sin, ní mór duit aon chliant cláraithe nó aon chomhalta cláraithe a ndéanann tú ionadaíocht orthu a chur ar an eolas freisin mar chuid de na gníomhaíochtaí a chumhdaítear faoina dtiomantas an cód iompair a urramú.
Faoin gcód iompair, ní mór d’ionadaithe sainleasa a chinntiú go bhfuil an t-eolas a chuireann siad ar fáil sa chlár iomlán, cothrom le dáta agus cruinn, agus nach bhfuil sé míthreorach.
Déanaimid clárúchán a bhailíochtú agus foilsímid é tar éis incháilitheacht an ionadaí sainleasa a dheimhniú, agus tar éis a dheimhniú go gcomhlíonann an t-eolas na ceanglais is infheidhme. Déanaimid seiceálacha cáilíochta rialta freisin chun aon mhíchruinneas, earráidí nó easnaimh a bhrath.
Nuair a chreidimid go bhfuil eolas míchruinn ann i gclárúchán, déanaimid teagmháil leis an ionadaí sainleasa lena mbaineann chun nuashonrú nó míniú a iarraidh. Faighimid agus fiosraímid gearáin maidir le cláraí a líomhnaítear nach gcomhlíonann an cód iompair. Ina theannta sin, déanaimid ár n-imscrúduithe féintionscnaimh chun cáilíocht shonraí an chláir a chinntiú.
Déanaimid monatóireacht ar ábhar an chláir agus féadfaimid gearán a imscrúdú ina líomhnaítear nár chomhlíon cláraí an cód iompair. Féadfaimid imscrúdú a dhéanamh freisin, ar ár dtionscnamh féin, nuair atá eolas ann a thugann le fios nach bhfuil cláraí i dteideal a bheith sa chlár níos mó.
Tá sonraí na nósanna imeachta sin leagtha amach in Iarscríbhinn III a ghabhann leis an gComhaontú Idirinstitiúideach.
Má chinnimid go bhfuil tú neamh-incháilithe toisc nach bhfuil tú ag cloí leis an gcód iompair, bainfimid do chlárúchán de.
Ag brath ar a thromchúisí atá an cás, d’fhéadfaimis cosc a chur ort clárú arís go ceann tréimhse shonraithe agus an beart sin a fhoilsiú ar shuíomh gréasáin an chláir. I gcásanna den sórt sin, tá sé de cheart agat iarraidh réasúnaithe a chur faoi bhráid bhord bainistíochta an chláir le go ndéanfaí athbhreithniú ar an mbeart a rinneadh.
Chun tuilleadh eolais a fháil, féach Iarscríbhinn III a ghabhann leis an gcomhaontú idirinstitiúideach.
Is féidir le cláraithe nó le haon duine eile gearáin a chur isteach. Is féidir leat gearán a chur isteach ach úsáid a bhaint as an bhfoirm ar líne i spás srianta/clárúchán an chláir nó ar shuíomh gréasáin an chláir. Ní mór cuntas EU Login a bheith agat chun rochtain a fháil ar an spás srianta/clárúchán agus ar an bhfoirm.
Ní mór an méid seo a leanas a dhéanamh chun gearán a dhéanamh:
- an gearán a chur isteach i scríbhinn, trí úsáid a bhaint as an bhfoirm ghearáin atá ar fáil ar ár suíomh gréasáin
- an cláraí atá i gceist a shainaithint ann agus cur síos soiléir ar an gcláraí a bheith ann
- fianaise leordhóthanach a chur leis mar thaca nár cloíodh leis an gcód iompair
- é a chur isteach laistigh de bhliain amháin tar éis na n-imthosca líomhnaithe neamh-chomhlíontachta
- d’ainm agus do shonraí teagmhála a chur san áireamh.
Má chinnimid go bhfuil do ghearán inghlactha, osclóimid imscrúdú agus cuirfimid an méid sin in iúl duit féin agus don chláraí lena mbaineann.
Má mheasaimid go bhfuil an gearán inghlactha, cinnteoimid go bhfaighidh tú cóip den ghearán agus iarrfaimid ort freagra réasúnaithe a thabhairt faoi spriocdháta áirithe.
Féadfaimid eolas breise a iarraidh ort, agus déileálfar le haon eolas íogair a thugann tú dúinn mar a bheadh eolas rúnda ann. Tabharfar gach deis duit do thuairimí a chur in iúl go leordhóthanach sula ndéanfar aon chinneadh. Táimid ag súil go gcomhoibreoidh tú go dílis agus go cuiditheach le linn an imscrúdaithe.
Féach an leathanach maidir le Rialachas.
Féach leathanach na staitisticí.
Ar an leathanach Cuardaigh is féidir an clár a chuardach de réir eochairfhocail agus critéar eile. Ar thairseach oifigiúil an Aontais Eorpaigh le haghaidh sonraí Eorpacha (data.europa.eu) soláthraítear sonraí stairiúla ón gclár (ó 2015 i leith).
An Tuarascáil Bhliantúil ar fheidhmiú an Chláir, is foinse lárnach staitisticí agus eolais í maidir leis an gclár, ábhar an chláir, agus bearta agus forbairtí gaolmhara. Féach na tuarascálacha bliantúla roimhe seo.
Más iriseoir thú, téigh i dteagmháil le seirbhísí preasa na hinstitiúide ábhartha chun do cheist a chur:
- Seirbhís urlabhraí Pharlaimint na hEorpa
- Seirbhís urlabhraí na Comhairle
- Seirbhís urlabhraí an Choimisiúin.
Más mac léinn nó taighdeoir thú, seol chugainn cur síos gairid ar do chuid taighde agus do chuid ceisteanna chuig an rúnaíocht tríd an bhfoirm theagmhála (tá gá le fíordheimhniúchán EU Login).
Le haghaidh ceisteanna eile, is féidir leat an fhoirm theagmhála a úsáid freisin (tá gá le fíordheimhniúchán EU Login).
Ba cheart duit déileáil go díreach le seirbhís creidiúnaithe Pharlaimint na hEorpa chun rochtain a fháil mar ionadaí sainleasa cláraithe. Ní gá duit logáil isteach sa Chlár Trédhearcachta chun do chreidiúnú a bhainistiú.
Chun tuilleadh eolais a fháil, féach an leathanach maidir le creidiúnú Pharlaimint na hEorpa.
Ní féidir – ní eisíonn an Chomhairle suaitheantais rochtana buaine do chuairteoirí. Is ar bhonn sealadach agus ar bhonn ‘gá le dul isteach’ a thugtar rochtain ar a áitreabh agus tá an méid sin faoi réir rialacha slándála na Comhairle. Teagmháil:access [dot] generalconsilium [dot] europa [dot] eu (access[dot]general[at]consilium[dot]europa[dot]eu).
Ní féidir – ní eisíonn an Coimisiún suaitheantais rochtana buaine do chuairteoirí. Tugtar rochtain ar a áitreabh ar bhonn ‘gá le dul isteach’.
Murar tháinig tú ar an bhfreagra atá á lorg agat tar éis duit féachaint ar na ceisteanna go léir thuas, is féidir leat teagmháil a dhéanamh linn tríd an bhfoirm seo (tá gá le fíordheimhniú EU Login).